Vastrappers

Die Lydenburg Vastrappers

Die *Lydenburg Vastrappers* is 'n klassieke voorbeeld van Boeremusiek in sy oorspronklike vorm - soos gespeel op die platteland waar dit in die 19de eeu begin het. Die lede van hierdie orkes het reeds vroeg in die 20ste eeu begin musiek maak. Die naam Winterbach is sinomiem met Lydenburg en die stigters van die *Lydenburg Vastrappers*.
Chris en Baba Winterbach	Chris en Baba Winterbach, die stigters van die *Lydenburg Vastrappers* was gebore en getoë Lydenburgers. Die dorp Lydenburg is deur die Voortrekkers in 1850 gestig onder leiding van Andries Potgieter. Die naam het sy ontstaan as gevolg van die lyding wat die trekkers deurgemaak het met malaria. Die Voortrekker Abel Erasmus, was een van die eerste grondeienaars en sy seun, Klaas Erasmus, was lid van die *Lydenburg Vastrappers. Abel Erasmus het op die plaas Grootboom* in Orighstad gewoon waar Klaas gebore is.
	Chris en Baba Winterbach het spontaan saam met Chris Chomse musiek begin maak en later het Klaas Erasmus saam begin speel. So het die *Lydenburg Vastrappers* mondig geword!
Chris Chomse		Klaas en Mev. Erasmus

		Die musiek van die *Lydenburg Vastrappers* is alles oorspronklik en vernoem na die omgewing. Gysie Meyer, ook 'n boorling van Lydenburg, het reeds vroeg in sy loopbaan 'n gedenkalbum opgeneem op 'n 10 duim langspeelplaat wat hy opgedra het aandie *Lydenburg Vastrappers*. Gysie speel ook op hierdie DVD . Regs is 'n fototjie van Gysie toe hy reeds as kind begin konsertina speel het.
	Gysie Meyer

Ander musikante wat ook musiek maak op hierdie DVD is onder ander Ben van der Linde en tant Bettie Ferns en haar seun Paul.

Ben is een van ons beste vierry konsertinaspelers en ook 'n Lydenburg "seun". So ook tant Bettie Ferns en haar seun Paul wat geen bekendstelling nodig het nie.


	Op 1 Maart 1986 het die Tradisionele Boeremusiek Klub (TBK) - voorheen die Konsertinaklub van Suid-Afrika - 'n gedenknaald op Lydenburg opgerig ter nagedagtenis aan hierdie Boeremusiek pioniers. Die komitee wat die reelings getref het onder leiding van Ds. Lourens Aucamp verkyn op die foto hierbo. Hulle is: Agter v.l.n.r.: Danie Labuschagne, Stephaan van Zyl, Lourens Aucamp, Danie Grey, Piet Bester en Jasper Vlok. Voor links: Charles Ellis en regs Hennie Stone

		Die Gedenknaald is onthul deur Chris Winterbach seun van oorlede Chris en Baba Winterbach. Hierdie DVD is 'n amateur weergawe van die gebeure op daardie dag. Dit sluit die toesprake asook musiek wat gemaak is tydens die onthulling in. Ek vertrou dat u hierdie stukkie Africana sal waardeer en geniet ter bewaring van ons Boeremusiek erfenis.