Ek ontvang reeds geruime tyd navrae oor Boeremusiek op DVD en kry ook versoeke om videos op DVD te plaas. Ek gee nou aandag aan hierdie versoeke . Dit is natuurlik toelaatbaar om videos op DVD te sit solank dit nie deur die eienaars van die DVD herverkoop word nie. Hierdie DVD's is 'n eerste poging om die goeie musiek wat tydens die TV Kompetisies gespeel is sodoende beskikbaar te stel vir die huidige geslag Boeremusiekliefhebbers. So behoort dit dan ook minstens vir die nageslag bewaar bly.

Die DVD is nie bedoel om 'n verbatim weergawe van die kompetisie te wees nie maar eerder om lekker kyk en luister vermaak te verskaf. Ek is natuurlik iirtyug dat hierdie uitsendings van Ollie Viljoen 'n hoogtepunt in die geskiedenis van Boeremusiek is. Net jammer dat daar altyd gekompeteer moet word om Boeremusiek op die kassie te kry!

Die DVD's van die 1986  TV Boeremusiek Kompetisie word aangebied in drie dele:

Die orkeste van onder andere Koos Barnard, Dirkie Smit, Tiny Mey, Pat Maloney, Danie Barnard, Fanie Botha, Mynie Reyes en Stefaan van Zyl speel op hierdie DVD.

Hennie van Loggerenberg (links) was die hoof beoordelaar in die kompetisie en Gerhard Viviers (Regs) die aanbieder.

Danie Barnard , Fanie Botha, Eddie Wilkinson, Corrie Nortje, Boetie Kallis, Piet Theron, Blackie Swart (SAP Junior Orkes), Christo van Rensburg.

Die orkeste van Adam Grobler, Paul Ferns, Manie Bodenstein ( SAP Orkes) en Boetie Kallis. Onder die musikante was ook: Hennie Strydom, Manie Erasmus en Thys Langeveldt. Min dames was te siene onder die musikante behalwe vir 'n klavierspeler in Piet Theron se orkes. Miskien kan oom Piet ons laat weet wie die dame was?