Hartlik welkom

 

by

Kalie de Jager

se

Boeremusiek!

 

 

Hierdie webblad is spesifiek daarop toegespits om die: Versameling...Bewaring...en Uitbouing...van Boeremusiek aan te spreek.

Hier sal u meer te wete kom oor die ontstaan en ontwikkeling van Boeremusiek, musikante van toeka en nou,  sommer alles wat Boeremusiek so lekker maak! Ek wil u aanmoedig om noue kontak met my te behou en om aktief met my te skakel oor wyses waarop ons Boeremusiek lewendig kan hou vir sovele mense wat plesier vind in hierdie besondere aspek van ons Suid- Afrikaanse kultuurerfenis.

Ek is al meer as 40 jaar daadwerklik besig met die versameling, bewaring en uitbouing van Boeremusiek in Suid-Afrika. Hierdie webblad word gewy aan my liefde vir die genre as kultuurerfenis, daarom het ek besluit om dit met 'n wyer gehoor te deel. Na jarelange betrokkenheid by Boeremusiekklubs en -gildes het ek onlangs besluit om voort te gaan om op my eie manier my liefde vir Boeremusiek uit te leef veral by wyse van hierdie webblad en aktiwiteite elders op die Internet. Ek kommunikeer graag met Boeremusiek liefhebbers en kunstenaars om in kontak te bly met die musiek.

Ek glo dat 'n interaktiewe webblad baie daartoe kan bydra om Boeremusiek te bevorder en wyer bekend te stel daarom wil ek u graag uitnooi om die geleentheid te gebruik om met my te kommunikeer. Stuur asseblief vir my e-pos en moenie vergeet om 'n boodskap en u besonderhede in my gasteboek te laat nie! 


Kom ons gesels Boeremusiek!!

 

Die is 'n gerieflike plek om meer inligting oor die verskillende afdelings van my webblad te sien en is derhalwe die vertrekpunt vir u besoek. Klik op die baniertjie om na die indeks te navigeer. Deur op die Indeks banier  te klik sal u ook veel meer oor my Boeremusiek kry.

 

Die "Terug" pyltjie  sal u telkens terugneem na die indeksblad.

My vernaamste doelwit op hierdie stadium is om geleenthede te skep vir musikante om hulle uit te leef en Boeremusiek te speel soos hulle daarvan hou en om terselfdertyd geleentheid te bied aan hulle bewonderaars en ander om saam die musiek terwille van die MUSIEK te geniet. Om hierdie doelwit te bereik spits ek my daarop toe om boeremusiek opnames te maak en as laserskywe te bemark en te versprei. Hier sal u laserskywe vind wat nens anders in die handel beskikbaar is nie - vele van hierdie laserskywe is saamgestel uit my omvattende plateversameling en video-opnames. Klik op  om 'n volledige indeks van beskikbare laserskywe  te vind.

Ek glo dat 'n interaktiewe webblad  baie daartoe kan bydra om Boeremusiek te bevorder en wyer bekend te stel daarom wil ek u ook graag uitnooi om die geleentheid te gebruik om met my te kommunikeer. Stuur asseblief vir my e-pos!

U kan ook met my kommunikeer op Facebook: https://www.facebook.com/kalie.dejager

 

Die blad is opgedateer om nuwe CD's en DVD's by te voeg.

Die nuutste  Boeremusiek CD's  is heel laaste op die lys. Rol af tot u hierdie prentjie sien wat die nuwe CD's aandui